Sidomos në rast se bëhet fjalë për fëmijën e parë, mund të ndodhë që të kemi plot dyshime dhe pyetje, sepse, për fat të keq, foshnjat nuk shoqërohen nga një broshurë udhëzimesh.
Këtu janë 10 gjëra për të mbajtur në mendje lidhur me të sapolindurit.
Pozicioni i krevatit. Një nga ankthet e para të prindërve është se si ta vendosin për të fjetur të voglin në shtrat për të garantuar siguri maksimale. Mjekët pediatër këshillojnë, për të kufizuar rrezikun e SIDS, që është fenomeni i vdekjes në djep, që foshnjat të flenë me barkun lart dhe pa jastëk, të paktën deri në vitin e parë të jetës.
Afër nënës. Shpesh nënat e reja mendojnë se fëmija është më mirë që të mësohet të flerë vetëm në krevatin e tij, që nga ditët e para të jetës. Megjithatë, kontakti me nënën është në gjendje për ta zbutur fëmijën dhe për ta siguruar tuaj. Në vend që ta dëgjoni duke qarë, atëherë, më mire ta merrni pranë vetes dhe ta mbani sa më shumë të jetë e mundur, pa frikën se mund të bëhet një zakon i vështirë.
Shumë të qara të ndryshme. Në fillim prindërit shqetësohen, por me kalimin e kohës ata mësojnë të njohin klithmat e ndryshme të foshnjës. Kur është i uritur, kur do gjumë, ose kur duhet të ndërrohet.
Si ta vishni. Edhe pse i vogli mund të ketë lindur në mes të dimrit, rregulli për të ndjekur është që të mos mbulohet shumë, sidomos kur jeni në shtëpi. Foshnjat në fakt kanë një temperaturë më të lartë se ajo e trupit të të rriturve.
Ushqyerja me gji. Para se fëmija të vijë në jetë nënat janë të shqetësuara nëse do të kenë mjaftueshëm gji për të ushqyer të voglin. Kini parasysh se në fillim është normale që të jetë pak e dhimbshme, fizikisht, dhe jo gjithmonë e lehtë. Dhe në qoftë se diçka shkon keq, ekzistojnë shishet me qumësht.
Burimi: DireDonna
