Kryetari i Partisë Demokratike, Lulzim Basha, pas takimit me kryetarin e Kuvendit, Ilir Meta deklaroi se PD është gati për konsensus, kushti, moskapja politike e reformës në drejtësi
“Ashtu si edhe në takimin me kryeministrin Rama, i shpjegova qartësisht kryetarit të Kuvendit, Meta, qëndrimin e Partisë Demokratike të pandryshuar që prej ditës së parë që kur nisi reforma në drejtësi”.
“PD ka mbështetur dhe mbështet reformën në drejtësi, që do të pastrojë gjyqtarët edhe prokurorët e korruptuar dhe të ndëshkojë krimin dhe korrupsionin në nivele të larta”, tha Basha.
Në vijim, Basha tha se “Kusht për Partinë Demokratike ka qenë moskapja e reformës në drejtësi. A mund të kemi besim në një reformë në drejtësi, ku institucionet e reja do të urzurpohen nga një palë e vetme politike. Përgjigja jonë është jo për një drejtësi të kapur politikisht dhe prandaj, PD që nga dita e parë është përpjekur për të shmangur kapjen politike të drejtësisë. Venecia ka folur qartë ne opinionin e saj të ndërmjetëm dhe në opinionin e saj final. Ka dhënë formulën se si garantohet moskapja politike e sistemit të drejtësisë. Për PD kjo është e vetmja çeshtje dhe në këtë çeshtje ne e kemi thënë qartë, jemi gati ta mbyllim këtë kapitull pa asnjë alibi, asnjë vonese për të zvarritur këtë proces, ta miratojmë reformën në drejtësi”, tha Basha.
Basha theksoi se “i thashe zotit Meta se nëse do ketë baashkëpunim, vullnet në përputhje me Komisionin e Venecias, Partia Demokratike ne çdo moment është gati për miratimin e reformes në drejtësi”.
