Plagoset në qendër të Elbasanit Bledar Muca, miku i Capjave.
Në vendngjarje ka qenë edhe Florenc Capja, i cili nuk ka pësuar dëmtime.
Mësohet se ngjarja është hakmarrje ndaj fisit Çapja dhe shënjestër ka qenë Florenc Çapja, i cili ndodhej brenda një makine tip “Ford”.
Bashkë me të ka qenë edhe miku i tij Bledar Muça, i cili ka mbetur i plagosur në gjendje të rëndë. Ndërkohë, Florenc Çapja nuk është prekur nga asnjë plumb, kurse e plagosur si pasojë e breshërisë ka mbetur edhe një punonjëse policie, e cila është jashtë rrezikut për jetën.
Punonjësja e policisë është plagosur aksidentalisht nga plumbat, e cila po kalonte në rrugë dhe nuk ishte shënjestër e atentatit. Ndërkohë, atentatorët janë larguar me një automjet “Volkswagen” nga vendi i ngjarjes dhe nuk dihet identiteti i tyre. Policia ka nisur hetimet për identifikimin dhe arrestimin e tyre. Kujtojmë se Florenc Çapja mbeti i plagosur në muajin shkurt 2016 nga masakra në Elbasan.