Ministria e Mbrojtjes ka vendosur të shkrijë për skrap një nga anijet më legjendare.
Bëhet fjalë për anijen Minaheqëse të Madhe, e cila rezulton se është gjysëm e mbytur. Mësohet se ministria ka akorduar rreth 70 milionë lekë të vjetra, të marra nga buxheti i shtetit.
Objekti i kontratës është “nxjerrje anije (dragamine) nga uji, për nevojat e Komandës së Forcës Detare”.
Sipas dokumenteve, nnija tip Minaheqëse e Madhe ka numër bordi M 112. Tonazhi është 350 tonë, ndërsa është 8.8 metra e gjerë dhe me gjatësi 58 metër, thellësi peshkimi 2.5 metër. Ajo rezulton se është e mbytur në ¾ e saj, ku është mbushur me rërë pjesa fundore (kalluma është mbushur deri në 70 – 80 cm në rërë).
Mësohet se do të pastrohet nën ujë nga rëra, do të ngrihet me vinç dhe do të pritet dhe nxirret në tokë, për tu shitur për skrap. “Gjatë kryerjes së proceseve të punës, operatori ekonomik fitues duhet të marrë të gjitha masat për mbrojtjen e mjedisit, sigurisë në punë si dhe ruajtjen e bankinës në Kantierin e Ndërtimit dhe Riparimit të Anijeve dhe objekteve të tjera nga dëmtimet” thuhet në këto dokumente.
Boldnews.al
Ja dokumenti:
