Paratë e drogës mësohet se janë shkaku i vrasjes së shqiptarit Bledar Terpollari në Greqi.
Mësohet se Terpollari nga shitja e kokainës kishte fituar 20 mijë euro. Nga ana tjetër policia greke ka arrestuar dy persona për vrasjen e tij, Emiljano Nana, 28 vjeç dhe Pajtim Jaupi, 27 vjeç. Ndërkohë është shpallur në kërkim kushëriri i viktimës, Krenar Tërpollari.
Ja si u vra Bledari:
Bariu shqiptar ishte ekzekutuar fillimisht me armë dhe më pas vrasësi i kishte prerë kokën, si provë për krimin që kishte kryer. CNN grek shkruan sot se një nga dëshmitarët tregoi se kishin shkuar në kasollen ku jetonte Tërpollari. Vrasësi hyri brenda dhe dy të tjerët qëndruan jashtë. Në fillim u dëgjua një e shtënë, autori e tërhoqi zvarrë të riun që punonte si bari.
Ai nxori një thikë dhe i preu kokën viktimës dhe më pas e futi atë në një çantë për t’ua treguar porositësve të vrasjes së tij se ekzekutimi ishte kryer.
