Nisma “Drejtësi pa vonesa” ka bërë bashkë në një mendim kreun e Prezencës së OSBE në vendin tonë, Florian Raunig dhe ministrin e Drejtësisë, Ylli Manjani për zgjatjen kohore të proceseve gjyqësore.
Kjo nisëm u prezantua në Shkodra ku Raunig tha se në Shqipëri gjyqet civile zgjasin 280 ditë në Shkallën e parë.
Raunig: Drejtesia e vonuar është edhe drejtesi e mohuar. Shumë vende vuajnë nga drejtesia e vonuar. Në Shqipëri gjyqet civile zgjasin 280 ditë në shkallat e para dhe se gjysma e gjyqeve jane jo produktive. Efikasiteti procedimeve eshte shume i rendesishem.
Ministri i Drejtësisë, Ylli Manjani tha se gjykatat duhet të veprojnë me shpejtësi, pasi ku ka vonesa ka korrupsion.
Manjani: Nëse shohim sot si gjykatat tona gjykojnë sot, sidomos shkalla e parë duket sikur Franc Kafka është shqiptar. Reforma në drejtësi është nëna e të gjitha reformave dhe që kjo nënë reformë të mos katandiset si nëna e dreqit duhet të ketë gjykata proactive. Gjykata duhet të shërbejë shpejt, ku ka vonesa ka korrupsion.
