Numri një i organit të akuzës, kryeprokurori Adriatik Llalla raportoi sot në Komisionin e Sigurisë në lidhje me hetimet për pajisjen e dyshimtë përgjuese që dyshohet se ka Policia.
Sipas Llallës procedimi penal ka nisur për shpërdorim detyre, bazuar në indicie se në territorin e Shqipërisë ka hyrë një pajisje gjurmuese apo përgjuese.
“Çështja vazhdon të jetë nën hetim me qëllim zbardhjen e rrethanave të saj. Ne po të kishim pengime nga qeveria për hetimin e kësaj çështjeje do kishim hapur procedim penal për pengim të hetimeve të mëtejshme”, tha Llalla.
