Një media italiane, mjaft e saktë në informacione, ka raportuar dje se kokaina e sekuestruar dje në Kolumbi, e cila arrin në 8 kuintalë, do të vinte në Europë. Portali www.notizie.it tha dje pasdite se kokaina kishte si destinacion Shqipërinë dhe Italinë.
Sipas saj, presidenti i Kolumbisë, Juan Manuel Santos, e ka cilësuar këtë sekuestrim si më të madhin e të gjitha kohërave, ku janë kapur një numër i madh personash. Policia kolumbiane ka sekuestruar rreth 8 kuintalë kokainë, e cila ishte fshehur në një plantacioni me banane në vendin e amerikës latine.
Droga i përkiste klanit mafioz “Usuga”. Tre persona janë arrestuar dhe tre të tjerë po kërkohen nga policia. Mësohet se rreth një kuintalë e gjysëm kokainë ishte ngarkuar në disa kamionë dhe do të eksportohen në të gjithë botën. Ministri i Mbrojtjes i Kolumbisë, Luis Carlo Villegas, tha se “bëhet fjalë për sekuestrimin më të madh të kokainës në të gjithë territorin kolumbian”.
Ndërkohë, www.notizie.it raportoi se kokaina ishte destinuar për të ardhur në Itali. “Do të vinte falë raporteve të mira të trafikantëve kolumbianë me familjet mafioze shqiptare, ku do të bëhej një biznes mjaft i madh, ku do të arrihej që të ulej edhe çmimi për kokainën”. Mësohet se në këtë lojë do të futej edhe grupi mafioz italian, “Ndrangheta”. “Ky grup paguante kokainën e përpunuar dhe e sillte drogën në Shqipëri dhe më pas e trafikonte në të gjithë europën” vijon portali italian.
Linku i medias italiane, e cila ka raportuar se kokaina e sekuestruar në Kolumbi do të vinte në Itali dhe Shqipëri:
http://www.notizie.it/colombia-sequestro8-tonnellate-cocaina/
