Ish-kryebashkiaku i Peshkopisë, Shukri Xhelili nuk do të mbahet në burg, por do të hetohet në gjendje të lirë. Kështu ka bërë të ditur Prokuroria e Dibrës, e cila thotë se Xhelili do të ndiqet penalisht në gjendje të lirë për akuzën e favorit seksual për vend pune.
Shukri Xhelili i shoqërua gjatë ditës së sotme në komisariatin e Dibrës, menjëherë pasi u shkarkua nga detyra me vendim të Kryeministrit Edi Rama.
Policia shkoi në shtëpinë e Xhelilit për ta marrë dhe për ta shoqëruar në komisariat. Pas hetimeve paraprake dhe deklarimeve para hetuesve nga ana e Shukri Xhelilit, organi i akuzës vendosi që ai të lirohet dhe të hetohet në gjendje të lirë.
Ish-kryebashkiaku i Peshkopisë reagoi më herët gjatë ditës dhe tha se ra në kurthin e kundërshtarëve politikë.
