Mustafa Badreddine, 55 vjeç, kreu i operacioneve klandestine të Hezbollahut libanez, është vrarë nga një bombardim izraelit. Drejtuesi i lartë është zënë në befasi – sipas informacioneve që kanë dalë – në territorin sirian, pranë kufirit me Libanin, një zonë e përdorur nga lëvizja për kalimin e furnizimeve. Fundi i tij – nëse konfirmohet – përbën një goditje vdekjeprurëse pasi ishte një njeri jo vetëm ekspert por edhe çelësi i shumë lidhjeve dhe rojtari i sekreteve.
Vrasja e Haririt
Milici shiit ishte aktiv që prej viteve ’80. Emeri i tij ka qenë i lidhur mje atentatet në Kuvajt në vitin 1993, me sulmet anti-perëndimore, me planet terroriste dhe ëprfundoi me stë hetuarve edhe për vrasjen e ish-kryeministrit libanez Rafiq Hariri, që u ekzekutua më 2005-n në Beirut nga një shpërthim i tmerrshëm. Badreddine ndër të tjera ishte i lidhur me Imad Mughnieh, kreun e famshëm të Hezbollahut të eliminuar fizikisht gjithnjë nga izraelitët, në Damask. Një marrëdhënie profesionale e bërë edhe më solide nga lidhjet familjare. Ata ishin kunetër. Me luftën në Siri, eksponentni i Hezbollahut ishte bashkuar me forcat e regjimit se bashku me qindra milicë sdhiitë dhe – sipas disa informacioneve – ata jo vetëm që po i jepnin një dorë Assadit por po përgatitnin edhe aksione anti-izraelite në zonën e Golanit.
Tensioni Rusi-Iran
Vrasja e tij konfirmon një zhvillim domethënës. Mburoja e Putinit mbron pjesërisht qeverinë siriane por nuk shtrihet te Hezbollahu, të cilët janë gjithsesi pjesë e të njëjtit koalicion. Në të kaluarën, nga ana tjetër, Izraeli i ka goditur kur ia ka dashur qejfi autokolo0nat me armë (edhe prodhim rus) të mbërritura në Siri dhe që kishin si marrës lëvizjen shiite libaneze. Nga ana tjetër në këtë fazë duket se ka njëfarë tensioni mes Moskës dhe Teheranit pikërisht për dossierin e konfliktit. Ayatollahët dyshojnë se Kremlini po manovron së bashku me SHBA-të për të gjetur njëfarë marrëveshjeje dhe mendojnë se në këtë mënyrë rusët iu kanë lejuar rebelëve që të rifitojnë disa pozicione.
