Tre aktivistë të “Qytetarëve për parkun” janë dhunuar e më pas janë shoqëruar në komisariatin nr 3 pasi shkuan me pankarta në duar kundër betonizimit të Parkut të Liqenit në protestën e Erion Veliajt.
Ky i fundit kishte mbledhur ditën e sotme para Gjykatës së Apelit disa protestues për ndërtimin e pallatit 17 katësh tek Liqeni.
Gjithçka ka nisur në kohën kur Kryetari i Bashkisë, Veliaj, po mbante një fjalim në protestë kur aktivistët “Qytetarët për parkun” me pankarta nëpër duar kundër betonit të hedhur në Parkun e Liqenit kanë hyrë dhe menjëherë janë goditur dhe mnë pas arrestuar nga policia.
Kjo ngjarje e rëndë ka bërë që aktivitët ti bëjnë thirrje të gjithë qytetarëve të tjerë tu bashkohen atyre për të shpëtuar protestuesit nga banditët e pushtetit.
“Protesta e Erjon Veliaj me Administratën e tij që dhunon dhe arreston 3 aktivistë të “Qytetarëve Për Parkun” S.M, A.S dhe F.B”, thuhet në njoftimin e tyre.
Sipas tyre, arrestimi ka ndodhur për shkak të pankartave që ata mbanin në duar, me thirrjet: “Ndal betonizimit në park”; “Ndal ndërtimit të digës”.
“Përshëndetje jeta osh qef sot janë arrestuar 3 qytetar te cilët ishin kundër betonizimit te parkut te liqenit shoqëria civile po mblidhet kundër këtij arrestimi ju lutem na duhet ndihma juaj tek komisariati numër 3. Kam pershtypjen qe si motiv zyrtar do perdoret antimitingu apo mbajtja e protestes se paligjshme, por me sa di une protesta e organizuar me njoftim ne polici kerkon pjesemarrje mbi 30 veta, aty kane qene me pak. Protestat me me pak persona konsiderohen spontane dhe nuk te detyron ligji per marrje lejeje”.
Sot pritet që Gjykata e Apelit të japë vendimin për pallatet tek liqeni, ndërsa Veliaj bashkë me punonjësit dhe administratën e tij ka protestuar para Apelit të Administratës duke kërkuar përjashtim të trupit gjykues të çështjes.
Ja video e dhunimit te aktivisteve:
