Partia Demokratike ka akuzuar kryeministrin Edi Rama se e ka kthyer TVSH-në në Olsi Radio Televizion, duke aluduar për lidhje ndërmjet vëllait të kryeministrit dhe drejtorit të sapozgjedhur të RTSH Thoma Gëllci. Deputeti demokrat Luciano Boci th asot se ‘Edi Rama ka bërë publik udhërrëfyesin se si mund të bëhesh drejtor i Përgjithshëm i Radio Televizionit Shqiptar, të këtij institucioni me mijëra të punësuar, me fond 20 milionë euro në vit, dhe me disa tendera dhjetra milionë euro në vazhdim’. Boci ka publikuar edhe një foto ku shfaqet Olsi Rama dhe Gëllci.
“Ja ku është udhërrëfyesi i Edi Ramës, i publikuar dje në disa media. Kjo foto. Ky është mesazhi i Edi Ramës për këdo që aspiron të bëjë karrierë, të drejtojë institucione të rëndësishme në vend. Rregulloje me Olsin, dhe e ke të garantuar. Kjo është oligarkia në aksion, korrupsioni ulëritës, nepotizmi pa asnjë limit. Thoma Gëllçi e kapi lojën. Ai nuk është sot drejtor i RTSH, për shkak të vizionit, pasi e kaluara e tij në krye të organit zyrtar të partisë komuniste nuk ia lejon. Nuk është aty për shkak të integritetit, apo cilësive të tjera, sepse ato nuk i ka. Eshtë aty për shkak të Olsi Ramës, vëllait të kryeministrit. Ja pra si përfundoi Radio Televizioni Shqiptar në Olsi Radio Televizion”, deklaroi Boci.
