Teksa në ambjentet e Hotel Tiranës zhvillohej mbledhja e Këshillit Kombëtar të Territorit, përfaqësues të shoqërisë civile nuk u lejuan të merrnin pjesë në diskutimet për stadiumin e ri. Mes përfaqësuesve të shoqërisve civile të cilët u ndaluan që në hyrje ishin Fatos Lubonja, Gjergji Bojaxhi, Andi Bushati, Ylli Rakipi dhe të tjerë. Ndërkohë të pranishëm ishin edhe të rinjtë të cilët protestojnë kundër Parkut të Lojrave tek Liqeni Artificial.
Analisti Fatos Lubonja në një prononcim jashtë dyerve të mbledhjes së KKT, deklaroi se Edi Rama po bën një takim me klientët e tij. Sipas Lubonjës, bodigardët e biznesmenit Ramë Geci, një tjetër klientë i kryeministrit, nuk i lejuan të hyjnë në këto ambiente. Ndërkohë shefi i sigurisë së Hotel Tiranë ka kërcënuar publicistin Fato Lubonja ndërsa ka përdorur forcë për ta nxjerrë jashtë.
Lubonja e mbyll fjalimin e tij me deklaratën se Edi Rama po vepron njësoj si Enver Hoxha.
