Është koha e duhur për të nxjerrë nga dollapi atletet e bardha, sepse në sezonin e ngrohtë ky model këpucësh përputhet me lehtësi në çdo lloj veshje.
Problemi është bardhësia e tyre, e cila zhduket sapo hedh disa hapa larg nga shtëpia. Por mos u shqetësoni: Çdo gjë (ose pothuajse) ka zgjidhje.
Ja truket si t’i riktheni bardhësinë atleteve tuaja.
1. Më e mirë të lahen me dorë se në lavatriçe. Gjëja e parë që ju bëni, zakonisht, është t’i fusni këpucët në makinë larëse, por nëse i lani me dorë do të bëhen më të bardha.
2. Përdorni një gomë. Përpiquni të zhdukni shenjat mbi këpucë me gomë të bardhë (në treg ka disa të prodhuara posaçërisht për këtë). Është aq e përshtatshme sa që ju gjithmonë mund ta mbani me vete dhe të veproni menjëherë mbi atlete sa herë ato bëhen pis.
3. Fshiji me uthull të bardhë. Një tjetër ilaç më efektiv është uthulla e bardhë. Merrni një peshqir (leckë apo letër), derdhni në të pak uthull dhe filloni të fshini pjesët e pista.
4. Shampo për njollat. Është e vërtetë që është e vështirë për të hequr njollat (të tilla si vaji), por ju mund të provoni me një shampo (mundësisht neutrale) kombinuar me ujë të nxehtë. Fërkoni butësisht në zonën e prekur dhe ju do të shihni se rezultatet do të duken.
5. Aplikoni lustër. Zgjidhja e fundit për rastet e dëshpëruara? Smalti i bardhë. Aplikojeni atë në njollat dhe gërvishtjet të cilat nuk mund t’i pastroni ndryshe. E nëse nuk funksionon siç duhet edhe kjo mënyrë atëherë është më mirë për t’i thënë lamtumirë atleteve tuaja të dashura dhe të bleni një palë të reja.
Burimi: DireDonna
