Një bandë shqiptare me pesë anëtarë është vënë në pranga nga policia italiane në Varese pasi merreshin me trafikun e kokainës nga Holanda drejt Veriut të Italisë.
Mediat italiane bëjnë me dije se hetimet kishin nisur pas sekuestrimit në qytetin e Milanos të një sasie prej 14.2 kg kokainë dhe arrestimin e një korrieri shqiptar. Shqiptarët ishin rezidentë në Milano dhe zonën e Astit.
Kokaina transportohej nga Holanda me anë të një automjeti të tipit Citroen x4 me targa franceze e modifikuar enkas për trafikun e lëndës narktoike. Hetimet zbuluan edhe rolin e një gruaje shqiptare, e fejuara e njërit prej të arrestuarve e cila riciklonte paratë e fituara nga shitja e drogës në Itali, në Shqipëri. Me shumat e parave të “pastruara në Shqipëri”, banda shqitpare kishte blerë 2 banesa në qytetin e Astit në Itali. Banesat tani janë sekuestruar nga policia italiane.
Sipas hetuesve, droga blohej në Holandë, ku jetonte një nga burrat e arrestuar, dhe transportohej në Itali në makinat e improvizuara për transportin. Pasi kokaina shitej ne treg, paratë i transferonte gruaja shqiptare me dy mënyra. Se pasi i fshehte nëper trupin e saj. Se dyti, ia besonte shoferëve te autobusëve të linjes ItaliShqipëri, në dijeni të përmbajtjes, te cilet i dorezoni me pas tek të afërmit e gruas. Paratë ktheheshin në Itali me transfertat bankare
Identiteti i të arrestuarve Shqiptari B.D i lindur më 15/01/1979
Shqiptari BM i lindur më 05/03/1981
Shqiptari N.P i lindur më 01/01/1976
Shqiptari D.G i lindur më 11/01/1977
Shqiptari C.S i lindur më 01/02/1972
Ky i fundit ishte përgjegjësi kryesor i transportit të kokainës nga Hollanda drejt Veriut të Italisë.
Është vënë nën hetim shqiptarja H.M 30 vjeç, pronare e dy banesave në Asti të Italisë të blera nga paratë e drogës e tashmë nën sekuestrimin e autoriteteve italiane. Sipas prokurorisë së qytetit të Milanos banda shqiptare pasi transferonte në Shqipëri paratë e fituar nga trafikimi i kokainës i rikthente përsëri në Itali me anë të çeqeve bankare nën emra fals.
