Qendra Çeke për Gazetarinë Investigative hedh dyshime të forta se “CEZ Group” mund të jetë e përfshirë në skandalin e pastrimit të parave të njohur si “Panama Papers”.
Në një material të publikuar sëfundmi, kjo qendër e cila zotëron dokumentat e Panamasë deklaron se Martin Roman, një prej biznesmenëve më të fuqishëm çek dhe ish drejtor i “CEZ Group” që ka në fokus energjitikën është i përfshirë indirekt në këtë megaskandal botëror.
Për të transferuar paratë në zonën offshore, Roman ka shfrytëzuar partnerin e tij në biznes, Radek Mensik, tashmë i arrestuar për pastrim parash. Ky i fundit ka investuar shumë në projektet e ndërtimit në Pragë, së bashku më ish gruan e Roman.
Më herët Shqipëria ka patur një marrëveshje me kompaninë çeke “CEZ Group” e cila kontrollonte sistemin energjitik në Shqipëri.
Që nga viti 2009 e deri në janar të vitit 2013 kur Enti Rregullator i Energjisë i hoqi licencën kompanisë, marrëdhëniet mes CEZ-it dhe shtetit shqiptar kanë qenë të ndërlikuara. Gjatë kohës se menaxhimit të kompanisë nga çeket, CEZ nuk arriti të përmirësonte treguesit, nivelin e humbjeve apo rritjen e arkëtimeve.
Konflikti u thellua edhe më shumë teksa CEZ nëpërmjet një grupi pune, nisi mbledhjen me forcë të borxheve tek abonentët familjarë, proces ky i cili krijoi konflikt me policinë e shtetit.
CEZ vendosi të mos paguante më Koorporatën Elektronergjitike për energjinë që merrte, dhe i gjithë sistemi hyri në një borxh që sot përllogaritet mbi 700 milionë euro.
Kjo marrëveshje mes “CEZ Group” dhe shtetit shqiptar u ndërpre përfundimisht në vitin 2014, ndërsa i kushtoi qeverisë shqiptare rreth 95 milion euro dëmshpërblim.
Më poshtë keni linkun e shkrimit të Qëndrës Çeke për Gazetarinë Investigative:
https://www.occrp.org/en/panamapapers/the-czech-republic/
