Eshtrat e dy personave, të dyshuar se i përkasin një mashkulli dhe një femre, janë gjetur sot në një bunker në Tropojë.
Burime nga policia bëjnë me dije se skeletet e trupave janë gjetur brenda një bunkeri në një zonë të pyllëzuar pranë Qafës së Mejdanit nga një banor i zonës, i cili është bari. Pas kësaj, ai ka telefonuar policinë.
Eksertiza pritet të përcaktojë shkaqet e vdekjes së dy personave, identiteti i të cilëve nuk dihet ende. Por, dyshohet se ata kanë mbi 6 muaj që kanë humbur jetën.
Njoftimi i policise
Sot më datë 17.04.2016, në vendin e quajtur “Roga e Kermes”, fshati Mejdan, Bashkia Tropoje, rreth 100 m larg rruges nacionale, në një vend të pyllëzuar, të pergatitur për pushim, janë gjetur dy kufoma të skeletuara, të veshura me rroba sportive.
Nga veprimet hetimore të deritanishme, rezulton se skeletet dhe rrobat janë të pa dëmtuara me armë zjarri apo mjete të tjera.
Deri tani nuk është bërë e mundur identifikimi i tyre.
Provat materiale të sekuestruara në vendngjarje, janë dërguar për ekzaminime të metejshme, prova te cilat do të ndihmojnë në identifikimin e kufomave dhe shkakun e vdekjes.
