Pasi ju drejtua tregëtares me fjalë fyese e degjeneruese si: “Ta fus portofofin në gojë”, kryebashkiaku i Lushnjes, Fatos Tushe, ka nxjerrë një foto ku përqafohet me tregëtaren. Duket se kjo skemë nuk është hera e parë që ne shikojmë pasi menjëherë na vjen në mendje nënë Zylja e kryebashkiakut të Tiranës, Erion Veliaj.
E duket se kryetari i Bashkisë së Lushnjës, Fatos Tushe ka bërë një lëvizje të njëjtë me Veliajn. Ai ka ftuar në zyrat e Bashkisë së Lushnjës gruan me të cilën u përplas ditën e djeshme.
Ai i tha gruas në foto se “do t’ia fuste portofolin në gojë” pas një debati që pati me të. Mirëpo ditën e sotme, Tushe ka bërë “paqe” me gruan që kërcënoi, sikurse Veliaj me nënë Zylen që u gjobit për preshin që shiste pa kasë në trotuar.
Debate mes tregëtares dhe kryebashkiakut:
Tregtarja: “Ku do hamë? Kam 12 kalamaj për të ushqyer”,
Fatos Tushe: “Po kush t’i polli ty? Lagjja apo vetë? Rriti vetë.”
– Tregtarja:”Unë dua të drejtën, s’kam ku të ha! Jam e sëmurë!”
Fatos Tushe: “Mos më ngri mua zërin. Ta fus atë portofolin mu në gojë unë!”
