Deputeti i PS-së Ben Blushi ka reaguar pas mbledhjes së Grupit Parlamentar Socialist për referendumin e mbajtur brenda partisë për mandatin e kryetarit.
Blushi tha se ky referendum ishte qesharak, që nga fillimi. Madje, prej tij nuk ka dalë ende rezultati për atë u zhvillua, pasi nuk janë dorëzuar kutitë dhe vërejti se ky precedent tani e ka bërë vendin, objekt talljeje në qarqet politike të Evropës.
“Ky referendum, jo vetëm për mënyrën sesi u konceptua, por edhe sesi u administrua, – theksoi Blushi, – jam i bindur se kutitë janë mbushur
Pavarësisht nga kjo, kam kërkuar të dorëzohen materialet zgjedhore sepse sot nuk ka një rezultat. Nuk dihet rezultati për bashki, kështu që duhet të ketë një dorëzim të kutive
Sesa qesharake ishte e gjitha kjo mjafton t’ju kujtoj batutën që bëri një deputete ish-Ministre Kulture në Francë. Në një debat i kërkojnë Presidentit Hollande të futet në primare para se të hyjë në zgjedhjet presidenciale, të bëjë zgjedhjet brenda partisë dhe ajo kërkoi të mos i bënin zgjedhjet si në Shqipëri, pra, zgjedhje shqiptare, zgjedhje allashqiptarçe. Kjo e shpjegon më qartë, më bukur.
Unë jam i lirë dhe do të vazhdoj të them pikëpamjet e mia duke takuar shumë shqiptarë,” përfundoi ai.
