Gianfranco Zola beson se trajneri i sapo emëruar i Chelsea, Antonio Conto, duhet të konsiderohet në të njëjtin nivel si Mourinho apo Guardiola. Conte e udhëhoqi Juventus-in për tre vite duke fituar tre tituj Seria A, përpara se të merrte postin e kombëtares italiane.
Conte do të largohet nga posti i trajnerit të përfaqësueses për të shkuar te Chelsea sezonin tjetër. “Ai ka fituar aq shumë në Itali, sa duhet ta konsiderosh në të njëjtin nivel me Jose Mourinho-n apo Pep Guardiola-n,” shprehet ish-lojtari i Chelsea për BBC.
Zola ka bërë mbi 250 paraqitje me Chelsea-n nga viti 1996 deri 2003 “Ai nuk ka fituar aq shumë në arenën ndërkombëtare, por është një trajner i mirë me një personalitet të fortë.” Zola pranon se do ta ketë shumë të vështirë të rekrutojë lojtarë të rinj në “Stamford Bridge” duke parë që nuk do të marrë pjesë në kupat evropiane vitin tjetër. “Antoni është një trajneri i disiplinuar. Ai kërkon shumë nga lojtarët e tij dhe gjithashtu faktikisht është shumë i aftë. Ai do të bëjë mirë te Chelsea. Jam i sigurt për këtë.”
