Me datë 1 prill, zyra e shtypit pranë Drejtorisë së Përgjithshme të Policisë së shtetit shpërndau një njoftim për media, duke bërë thirrje publike gjyqtarëve dhe prokurorëve të dorëzojnë armët.
Në njoftim ndër të tjera thuhej se “nga të dhënat që disponon policia e shtetit, institucionet me problematik në dorëzimin e armëve të zjarrit janë gjyqtarët dhe prokurorët.
dokumenti armetPor ende pa u mbushur një javë, ABC News ka siguruar një shkresë të Komisariatit nr.2 të policisë së kryeqytetit, e cila mban datën 25 mars 2016 dhe që i është drejtuar prokurorisë dhe gjykatës. Në këtë shkresë, shefi i komisariatit fton prokurorët dhe gjyqtarët të paraqiten pranë Komisariatit të Policisë që të pajisen me autorizim për blerje të armëve të llojit pistoletë.
Në shkrese thuhet se kategoria e juaj, prokuror dhe gjyqtar në bazë të ligjit të armëve ju takon të pajiseni me leje për armët. Për këtë fakt, thuhet në letër, kërkojmë të paraqiteni pranë komisariatit të merrni autorizimin, më pas të blini pistoletën dhe të paraqiteni përsëri në komisariat për të bërë regjistrimin e saj dhe pajisjen me leje përdorimi.
Siç duket në shkresë, nga një anë policia kërkoi që kjo kategori njerëzish të dorëzojnë pistoletat që kanë me leje të pajisur nga policia. E nga ana tjetër I fton ata të paraqiten pranë Komisariateve të Policisë që të pajisen me autorizim për blerje të pistoletave me argumentimin se ligji Ia lejon. Në bazë të kësaj shkrese, rezulton se policia kërkon armët e saj, por i jep leje atyre në bazë të ligjit që të blejnë vet pistoletat.
Kjo manovër e policisë dhe ministrisë së brendshme që propozoi ndryshimet ligjore për armët, sipas prokurorëve, është bërë për të favorizuar disa individ që kanë të drejtën e tregtimit të armëve të llojit pistoletë. Pasi armët që ata kishin marr me leje nga policia e shtetit, janë dorëzuar dhe do të mbahen në magazinat e policisë deri në shkatërrimin e tyre.
