Një 17- vjeçare ka qëlluar më armë zjarri pistoletë tip stilolaps duke e plagosur shokun e saj të klasës pa dashje.
Vajza me iniciale G.D, banuese në Levan është vënë në pranga nga specialistët për Krimet në Komisariatin e Policisë Fier, ndërsa shoku i saj është dërguar në spital ku mësohet se është jashtë rrezikut për jetën.
Ngjarja ka ndodhur, sot, në shkollën e Muzikës “Jakov Xoxa”. Djali i plagosur me inicialet P.Sh, banues në lagjen “Liri” është dërguar për mjekim më të specializuar në Tiranë.
Në cilësinë e provës materiale është sekuestruar një armë zjarri pistoletë (tip stilolaps), në dukje artizanale, me të cilën dyshohet se ka kryer ngjarjen adoleshentja. Materialet i kaluan Prokurorisë pranë Gjykatës Shkallës Parë Vlorë për veprat penale”Plagosje e rëndë nga pakujdesia” dhe “Prodhimi dhe mbajtja pa leje e armëve luftarake dhe e municionit” parashikuar nga Nenet 91 dhe 278 të Kodit Penal.
