“Tru elektronik në sistemin fiskal”- Kështu e cilëson kryeministri Rama koncensionin për të cilin aludohet se ka lidhje edhe vëllai i tij në sistemin e mbledhjeve të taksave.
“Synimi ynë është që bizneset në Shqipëri të rrijnë edhe vite të tëra pa u kontrolluar, por sistemi të jetë i tillë që mungesën e kontrolleve të vazhdueshme në terren ta kompensojë me kapacitet monitorues në çdo sekond. Sot ne kemi në sistemin tonë një tru elektronik për të konsoliduar rrugën tonë në politikat fiskale në funksion të krijimit të lehtësirave për biznesin dhe për të vazhduar komunikimin me tatimpaguesin në çdo nivel,” u shpreh kryeministri.
Sipas Ramës, faza e dytë e informalitetit është përgjigja përfundimtare për të gjithë ata që e panë me skepticizëm aksionin kundër informalitetit të nisur në muajin shtator.