Policia kufitare në Kakavijë ka bërë të mundur kapjen e një 31- vjeçari, të cilit ju sekuestrua një armë zjarri automatike në mjetin e tij tip “Benz” me targa AA 819 AJ.
Amarildo Çobo, , banues në Berat është vënë në pranga nën akuzën e trafikimit të armëve luftarake dhe municioneve.
Pas procedurave të regjistrimit në Sistemin ’’TIMS’’, punonjësit e Policisë Kufitare e kanë kontrolluar më me detaje mjetin ku në pjesën e brenshme të derës së pasme të tij në krahun e shoferit, u konstatua e fshehur një armë zjarri automatike model 56 , e mbështjellë me një copë ngjyrë portokalli. Menjëherë u bë bllokimi i mjetit dhe arma e zjarrit automatike model 56 u sekuestrua në cilësinë e provës materiale. Gjithashtu u bë arrestimi në flagrancë i shtetasit Amarildo Çobo, për veprën penale ‘’’ parashikuar nga neni 278/a i Kodit Penal.
Njoftimi i Policisë
Kakavijë -Gjirokastër. Policia Kufitare Kakavijë godet një rast të “Trafikimit të armëve luftarake dhe municioneve”. Sekuestrohet një armë zjarri automatik model 56. Arrestohet në flagrancë drejtuesi i mjetit, në të cilin u konstatua arma. Në Pikën Kufitare Kakavijë , në dalje të Republikës së Shipërisë u paraqit shtetasi Amarildo Çobo , 31 vjeç , banues në Berat, me mjetin e tij tip “Benz” me targa AA 819 AJ. Pas përfundimit të procedurave të regjistrimit në Sistemin “Tims” , punjonjësit e Policisë së Pikës Kufitare Kakavijë e kaluan në vijën e dytë për një kontroll më të imtësishëm. Gjate kontrollit të detajuar në vijen e dytë si dhe në skaner në bashkepunim me Degën Doganore Kakavijë, në pjesën e brendshme të derës së pasme të mjetit , në krahun e shoferit, u konstatua e fshehur, një armë zjarri automatike model 56, e mbeshtjellë me një copë ngjyrë portokalli. Menjëherë u bë bllokimi i mjetit dhe u njoftua Drejtoria Vendore e Policisë Gjirokastër për kryerjen e veprimeve të mëtejshme. U sekuestrua në cilësinë e provës materiale arma automatike model 56 . Gjithashtu u arrestua në flagrancë shtetasi : Amarildo Çobo , për veprën penale “Trafikim i armëve luftarake dhe municionit ” parashikuar nga neni 278/a i Kodit Penal. Materialet i kaluan Prokurorisë për Krimet e Rënda Tiranë.
