Shokon Vuçiç: Bombën në Zubin Potok e hodhën serbët

Kryeministri i Serbisë, Aleksandar Vuçiç, ka vërtetuar se bombën në palestën sportive në Zubin Potok, në orët e para të mëngjesit të sotëm, e kanë hedhur serbët.

Ai megjithatë, i ka porositur ata që e hodhën bombën se do të luftojë edhe për ta dhe familjet e tyre.

“Përgjigjja ime këtyre serbëve tanë, të cilët në këtë mënyrë dëshirojmë të më presin, është: le t’ua falë Zoti, do të luftoj edhe për ju dhe familjet e juaja, që të jetoni në tokat tuaja dhe të jeni të lumtur dhe më të kënaqur se sot”, tha Vuçiç gjatë fjalimit të tij në një tubim parazgjedhor të Partisë Progresiste Serbe në Zubin Potok.

LEXO EDHE  Covid në Maqedoninë e Veriut, 81 raste të reja në 24 orë

Vuçiç tha se lidhur me këtë çështje nuk do ta thotë më asnjë fjalë, raportojnë korrespondentet e Radios Evropa e Lirë.

Raportohet se me këtë tubim parazgjedhor ka përfunduar edhe vizita e sotme e Vuçiç në pjesën veriore të Kosovës.

(Boldnews)



PËRGJIGJU

Please enter your comment!
Please enter your name here