Nisma Galdini-Guri njofton se Prokuroria e Tiranës ka nisur veprimet e saj hetimore për çështjen e ndërtimit të Këndit të Lojërave që po bën Bashkia e Tiranës në Parkun e Liqenit. Dy aktivistet Sazan Guri dhe Arian Galdini kanë njoftuar dje depozitimin e një kallëzimi penal ndaj Kryetarit të Bashkisë së Tiranës Erion Veliaj, pranë Prokurorisë së Tiranës.
Sipas Nismës Galdini – Guri, ndërtimi që po behet nga Kryetari i Bashkise Erion Veliaj është ne kondicion shkeljesh të renda ligjore. Ndaj edhe Sazan Guri dhe Arian Galdini kërkuan nga Prokuroria që të përshpejtojë veprimet e saj hetimore për të çuar ligjshmërinë në vend. Sipas Nismës Galdini – Guri, Prokuroria ka barrën e vendosjes se parametrave të ligjshmërisë në vend, per rastin e ndërtimit tek Parku i Liqenit, por sidomos Prokuroria duhet të veproje me kurajo dhe përgjegjshmëri institucionale e ligjore që të ndëshkojë shkelësit e ligjit, pavarësisht emrit apo pozicionit që ata kanë.
Nisma Galdini – Guri konsideron se paligjshmëria që karakterizon ndërtimin e Këndit të Lojërave tek Parku i Liqenit, ka sjellë një efekt zinxhir rrëzimi barrierash të ngrehinës se moralit, përgjegjshmërisë, lirisë dhe demokracisë ne qytetin e Tiranës.
Galdini – Guri dyshojnë se arroganca e Kryeministrit Rama dhe Kryebashkiakut Veliaj për ta vendosur legjitimitetin e betonizimit të Parkut të Liqenit, jo tek ligjshmëria, e as te përgjegjshmëria dhe llogaridhënia, por tek logjika e numrave, forcës dhe represionit, është vetëm gjurma e parë e një Projekti Pilot për të asgjësuar kriticizmin, mendimin ndryshe, kundërshtitë, opozitarizmin dhe aktivizmin civil në Kryeqytetin e shqiptarëve.
Po synohet nga Rama dhe Veliaj që të projektohet modeli i Lidershipit që fiton me logjiken e Fuqisë, mbi këdo qe kundërshton, kritikon apo dyshon. Rama flet për lule në varrin e shoqërise civile, ndërsa Veliaj flet per vandalë e të paqytetëruar, kur u adresohen protestave politike dhe qytetare që kundërshtojnë betonizimin e Parkut të Liqenit.
Konflikti social dhe politik është bërë shumë i lartë për Parkun e Liqenit, pikërisht sepse aty në atë Park po jetësohet një Projekt Pilot nga Rama dhe Veliaj për mbytjen e lirisë dhe demokracisë në vend, njëlloj sikurse po mbysin Parkun me beton. Parku i Liqenit është kështjella e fundit e lirisë natyrore dhe njerëzore që po synojnë të asgjesojnë Rama dhe Veliaj.
Ndaj edhe Sazan Guri dhe Arian Galdini kërkojnë nga Prokuroria dhe Drejtësia që të bëhen arbitri dhe garanti i mbrojtjes se ligjshmërisë dhe lirisë.
Prokuror i çështjes së Parkut të Liqenit është caktuar z. Gjergji Taka.
