Kreu i PD-së, Lulzim Basha duke folur në studion e “Top Story” është shprehur se nuk mund të ulemi për të bërë rregulla të reja, kur Edi Rama nuk zbaton rregullat ekzistuese.
Basha u shpreh se Rama dhe mazhoranca duhet që të nisi respektimin e vendimeve të Gjykatës Kushtetuese dhe më pas të kërkojë negociata të reja.
“Ky nuk zbaton vendimet e gjykatës kushtetuese. Ky thotë hajde bëjmë rregullat, kur ky nuk zbaton rregullat. Prova e parë është zbatimi i vendimeve të Gjykatës Kushtetuese. Ky po shkel marrëveshjen e dekriminalizimit, që u bë me ndërmjetësinë e BE.
Ç’kuptim ka që të bëjmë rregulla të reja loje, kur ky nuk respekton ato ekzistueset. Bashkë me reformën në drejtësi, të krijojmë një rregullsi, që çdo ligj që miratohet të zbatohet në terren. Ligjin që do të miratoj strukturën speciale antikorrupsion. Nëse ne këto i miratojmë dhe këto nuk zbatohen, atëherë na rroftë Reforma në Drejtësi. Reforma në Drejtësi do të bëhet bashkarisht dhe nuk ka njeri që tu thotë shqiptarëve që nëse nuk bëhet reforma në Drejtësi, nuk bëhet ajo zgjedhore etj. Shqiptarët janë ngopur me fjalë të bukura e lugën bosh”, u shpreh Basha në “Top Story”.
