Një skandal i radhës është regjistruar në sistemin arsimor parauniveristar. Në shkollën “Asim Zeneli”, e cila ndodhet në një fshat me të njëjtin emër në qytetin e Gjirokastrës, mësuesit bashkë me drejtoreshën e shkollës Bukurie Llapaj zhvillojnë takimin pedagogjik në ambientet e një Bar Kafe.
Boldnews.al disponon raportin e datës 29 mars që është mbajtur me titull “Bisedë Kafe” dhe ku merrnin pjesë 10 mësues dhe dy edukatore.
Në raport shihen gabime të theksuara gramatikore, ndërkohë që pjesë e diskutimeve ishte edhe një kërkesë e prindërve për ndëshkim fizik ndaj fëmijëve të tyre.
Nuk dihet nëse kjo pikë e diskutimit bën fjalë për shqetësimin e prindërve për dhunën ndaj fëmijëve të tyre, apo nxitjen e mësuesve për të ushtruar dhunë ndaj nxënësve.
Në fund të raportit shihet se 95% e stafit pedagogjik ka marrë pjesë në këtë diskutim “Bar Kafe”.
Raporti mban firmën e koordinatores Eriana Kuca, e cila është edhe mësuese e shkollës “Asim Zeneli”.
