Përgjegjës i sulmit në Pakistan ku mbetën të vdekur 65 persona dhe qindra të tjerë të plagosur ka qenë grupi terrorist taliban Jammat ul Ahrar. Ata kanë marrë përsipër përgjegjësinë duke cituar se kanë patur si qëllim të godisnin pakicën e krishterë në Pakista. Ndërkohë kanë paralajmëruar se sulme të tjera do të vijnë në Pakistan.
“Kamikazët tanë do të vazhdojnë të kryejnë edhe sulme të tjera”, kanë thënë terroristët.
Zyrtarët policorë kanë konfirmuar se shumica e të vdekurve janë fëmijë, kurse, mjekët kanë thënë se numri i të vdekurve mund të shtohet pasiqë shumë prej të lënduarve janë në gjendje të rëndë shëndetësore. Numri i të lënduarve ka shkuar në mbi 250 raporton “Reuters”.
Mediat lokale kanë raportuar se autoritetet kanë evakuuar njerëzit jashtë parkut, e cila ishte mbushur me njerëz.
Pakistani prej kohësh vuan prej sulmeve kamikaze të talebanëve, bandat kriminale dhe të dhunës sektare në vitet e fundit.
Dëshmitarët okularë përshkruajnë duke parë pjesët e trupit shpërndara në të gjithë parkingun pasi pluhuri i shpërthimit kishte vendosur.
Sipas një Zëdhënësi të Shërbimit të Shpëtimit Pakistanez, shumica e viktimave ishin gra e fëmijë.
Mjekët e spitalit Jinnah kanë thënë se numri i viktimave do të rritet pasi disa të plagosur janë në gjendje kritike.
Sipas zyrtarëve të Pakistanit, sulmi kishte synuar të godiste “familjet e krishtera” pasi ata kanë festuar kremten e Pashkëve.
Sipas, mediave botërore, shumica e viktimave janë nga familjet e krishtera.
