Seanca plenare u ndërpre dhe kryetari i Kuvendit Ilir Meta vendosi 5 minuta pushim pas kaosit të krijuar në Parlament.
Deputetët e opozitës rrethuan në foltoren e Parlamentit deputetin e Partisë Socialiste Rakip Suli. Ky i fundit kërkoi të replikonte dhe tentoi të merrte fjalën në foltore gjatë kohës që po fliste deputeti i Partisë Demokratike Eduart Halimi.
Përmes Halimit, opozita u shpreh se nuk mund të qëndrojë më në Parlament nëse mandati i deputetit Rakip Suli nuk dërgohet në Kushtetuese.
Gjatë këtij momenti, Suli u afrua në foltore për të replikuar pasi iu përmend emri, por gjatë kësaj kohe të gjithë deputetët e opozitës u ngritën në këmbë dhe bllokuan foltoren.
