Partia Demokratike nuk e ka lejuar sot vazhdimin e seancës parlamentare të Kuvendit sot, pa u miratuar kërkesat e saj: Largimi nga Kuvendi i deputetëve që kanë kryer krime, si në rastin e Armando Prengës dhe pa dorëzuar në Gjykatën Kushtetuese, edhe mandatet e socialistëve, Rakip Suli dhe Valentina Leskaj, që kanë përfituar sipas saj, fonde publike për interesat vetiake. PD-ja kërkoi qartazi anulimin e atij vendimi që u mor seancën e kaluar dhe futja në rendin e ditës së sotme të kërkesave të saj.
Deputeti Eduard Halimi, që foli në hapje të Kuvendit, në emër të opozitës, tha: “Në këto kushte, opozita dhe gjithë qytetarët janë të vendosur që ky parlament nuk mund të vazhdojë funksionin e vet pa larguar deputetët me rekorde kriminale dhe ata që kanë përfituar fonde publike e pa zbatuar gërmë më gërmë atë që ka vendosur Gjykata Kushtetuese si normë.”
Halimi tha: Futja e deputetë me rekorde kriminale dhe injorimi i Gjykatës Kushtetuese është grusht shteti.
Abuzimi me pushtetin duke mbrojtur një vit më parë, deputetin Kokëdhima, na detyroi t’i drejtoohemi Gjykatës Kushtetuese, se ja çfarë ndodh kur Kryeministri mbron deputetët që kanë marrë fonde publike.
Pa as më të voglin dyshim, byroja kryeministrore për deputetët për t’i bërë të paprekshëm është vrastare për demokracinë, për parlamentin, për Gjykatën Kushtetuese. “Një qeveri që qeveris jashtë normave kushteteuse është tirani” – shkruhet në muret e parlamentit amerikan.
Një qeveri që e injoron Gjykatën Kushtetuese është asgjë tjetër përveçse një grusht shteti.
Detyra e opozitës është të sigurojë transparencën ndaj ne pyetëm Gjykatën Kushtetuese kur Kryeministri kërkon t’i bëjë të paprekshëm deputetët e tij kur ata dyshohet se kanë marrë fonde publike ndaj dhe Gjykata Kushtetuese mori vendimin dhe bën interpretimin për Kokëdhimën.
Ky vendim i Gjykatës Kushtetuese është kthyer në normë kushtetuese dhe thotë se mazhoranca dhe kryeministri nuk mund t’i bëhen mburojë, deputetët nuk mund të bëhen të paprekshëm.
Detyra e Kryeministrit është të bëjë transparente, qeverisjen. Detyra e opozitës është të bëjë denoncime
Garanti nuk është mazhoranca, po drejtësia.
