Motra e Elvis Pistës paralajmëron se hetuesit janë afër zbardhjes së vrasjes

Shumë shpejt pritet zbardhja e vrasjes së Elvis Pistës, ish- kandidat i PDK-së për deputet në zgjedhjet e fundit kombëtare në Kosovë.

Paralajmërimi vjen nga motra e tij, Beatrisa Pista-Demiri, e cila tha se po punohet shumë në këtë drejtim.

Në prag të dy vjetorit të vrasjes, motra e ish-kandidatit të PDK-së për deputet Elvis Pista, thotë se vrasja e tij është shumë afër zbardhjes.

“Shumë mirë të gjithë e dinë se vrasja në një farë formë ka qenë hollivudiane edhe e përgatitur shumë mirë. Aq e përgatitur në mënyrë profesionale sa që po del të jetë një kafshatë e madhe për hetuesit vendorë. Mund të them lirisht se janë duke punuar shumë edhe pritet që së shpejti të zbardhet rasti”, tha Pista-Demiri në emisionin ‘Perspektiva’.

LEXO EDHE  Digjen arat e mbjella me grurë në Lipjan

Pista-Demiri nuk e mohon mundësinë se vrasja mund të ishte politike, por thotë se dikush edhe mund ta ketë shfrytëzuar situatën, që vrasja të dukej e tillë.

Kandidati për deputet në Kuvendin e Kosovës nga radhët e PDK-së, Elvis Pista u vra në mesnatën mes 14 dhe 15 qershorit rreth orës 00:45 në oborrin e restorantit “Jaha” në Rahovec.

Familja e Elvis Pistës, thotë se nuk janë të kënaqur me punën e prokurores Shpresa Bakija dhe po mendojnë që çështjen ta dërgojnë edhe në Gjykatën Speciale.

(Boldnews)

 



PËRGJIGJU

Please enter your comment!
Please enter your name here