Aguero financon fushën stërvitore të ish-ekipit të tij Independiente

Sergio Aguero i ka dhuruar një fushë të re stërvitore ish-klubit të tij Independiente në prag të rikthimit të tij te ekipi që e formoi si futbollist.

Sulmuesi e ka konfirmuar tashmë se ai do të largohet nga Evropa në përfundim të kontratës me City-n, pasi kërkon të rikthehet te ekipi i tij i fëmijërisë në vitin 2019. Megjithatë, ekziston mundësia që Aguero të qëndrojë edhe një vit më shumë në Angli. Kun, kurrë nuk e ka harruar Independiente-n dhe e ka ndihmuar gjithmonë klubin e tij financiarisht gjatë viteve të fundit.

Aguero me ekipin e moshave të Independiente në vitin 1999 “Djajtë e Kuq”, një pseudonim ironik duke parë se Aguero luan me Manchester City-n, konsiderohen si një ndër pesë ekipet më të mirë në Argjentinë por kohët e fundit kanë pasur probleme financiare dhe luajnë në stadiumin gjysmë të përfunduar “Libertadores de America”. “Është shumë e rëndësishme për ne,” shprehet presidenti i Independiente Hugo Moyano për dhuratën e Aguero-s. “Ai do të mbahet mend përgjithmonë nga tifozët e klubit.”

LEXO EDHE  VIDEO/ Buffon vazhdon të befasojë, pritja e 43-vjeçarit me Parmën bëhet virale

Por as dhuratat e Agueros nuk ia kanë mbushur mendjen yllit të ekipit Lucas Patanelli për t’iu bashkuar City-t. Nga Spanja raportohet se lojtari ka rënë dakord me një transferim në Barcelona.



PËRGJIGJU

Please enter your comment!
Please enter your name here