Pasi premtoi mos prekjen e Parkut të Liqenit, ndryshimin e projektit të Bulevardit të Tiranës që nuk prekte banesat e shumta, e shumë e shumë premtime të tjera të pambajtura deri më tani, duket se Veliajt i ka dalë kundër edhe Zoti.
“Moti përkeqësohet nga reshjet nesër paradite. Bashkia e Tiranës ka kaluar në gatishmëri”. Ky alarm i vënë nga bashkia e Tiranës dhe kryetari i saj Erion Veliaj duket se e ka nxjerrë edhe njëherë bllof kryebashkiakun.
Disa media e lidhën parashikimin e Verlijt si pjesë e luftës për protagonizëm në kampin qeverisës. Në një farë mënyre, Bashkia e Tiranës ka treguar se i paraprin punës që duhet ta bëjnë Emergjencat Civile, në varësi të Ministrisë së Brendshme të drejtuar nga Saimir Tahiri.
Këta të fundit, mesa duket të ngacmuar nga parapërgatitja e Bashkisë po dje kanë nxjerrë disa orë më vonë një njoftim për përkeqësimin e motit.
“Sipas buletinit të Institutit të Gjeoshkencës, Energjisë, Ujit dhe Mjedisit (IGJEUM) moti, në të gjithë territorin e vendit pritet të ketë reshje shiu, ndërsa në zonat mbi 600 metra mbi nivelin e detit, parashikohen edhe reshje bore. Në qarqet Shkodër, Vlorë dhe Korçë parashikohet të ketë reshje më intensive se qarqet e tjera” – shkruhet në njoftimin e Ministrisë së Brendshme, por çuditërisht nuk përmendet Tirana, bashkia e të cilës “ka kaluar në gadishmëri”.
DENONCO