Duket se Ministri i Brendshëm, Saimir Tahiri nuk ndalet së befasuari kur vjen puna për të qenë në qendër të vëmendjes. E, kësaj rradhe ka mundur të jetë me anë të numrit të tij të telefonit në çdo qoshe të Komisariatit të Policisë.
“068 20 52 748”, ky është numri personal i Ministrit të Brendshëm Saimir Tahiri, i publikuar nëpërmjet një afishe në çdo komisariat policie, nëse qytetarët dëshirojnë t’i ankohen atij ndaj etikës dhe shërbimin të çdo punonjësi policie.
Përveç numrit në këtë afishe shkruhet:
“I nderuar qytetar, për çdo mungesë të shërbimit apo të etikës nga punonjës të Policisë së Shtetit, mirëpres çdo ankesë tënden në numrin tim personal 0682052748, duke të falënderuar për besimin”, është mesazhi i ministrit të Brendshëm.
Ndaj, të gjithë ju që keni patur probleme me punonjësit e policisë së Saimir Tahirit mund t’i ankoheni atij. Mbetet për t’u parë a do të mund t’u përgjigjet dot të gjithë qytetarëve…dhe, a do të jetë pas telefonit shkrimi apo zëri i vetë Ministrit të Brendshëm?
