Ministri i Drejtësisë, Ylli Manjani ka dalë në një deklaratë për mediat pasi Gjykata Kushtetuese ka marrë në shqyrtim kërkesën për pezullimin e ligjit të pronave. Manjani u shpreh se ky ligj do të zgjidhë shumë çështje që janë bllokuar si 11 mijë dosje të pronarëve, 12 mijë tokë që presin për kompesim, 12 mijë vendime si dhe dhënia e përgjigjes në Strasburg. “Pezullimi i ligjit të pronave do të ishte katastrofik për vetë pronarët. Zbatimi i ligjit në të mirë të të gjithëve”, është shprehur ministry Manjani.
Mësohet se Gjykata Kushtetuese ka marrë në shqyrtim çështjen dhe do të vendosë për ligjin e pronave. Mirëpo, Manjani u shpreh se nuk ka ligj që kjo gjykatë të pezullojë ligjin e pronave. “Nuk pezullohet nga Gjykata Kushtetuese automatikisht. Ka një nen për këtë Gjykatë që i ka dhënë të drejtë asaj të pezullojnë aktet për ato rastet që sjellin pasoja të këqija. Por ky ligj sjell pasoja pozitive ndaj Gjykata Kushtetuese nuk mund ta pezullojë këtë ligj”, është shprehur Manjani.
Mësohet se Gjykata Kushtetuese po e shqyrton këtë ccështje me dyer të mbyllura duke mos e bërë publike kërkesën e gjykimit.
Ligji për pronat ka nisur të zbatohet që sot pasi ka hyrë në fuqi
