Është bërë e mundur çaktivizimi i bombës në makinën e shtetasit Ariel Rrapi nga forcat xheniere të policisë tek zona e Brrylit. Mësohet se janë prerë fijet eksplozivit i cili peshonte 400 gr dhe ishte e lidhur me një bateri 12 volt. Policia ka dërguar pakon e dyshimtë për ekszaminimin e mëtejshëm në laborator. Ngjarja ka ndodhur në rrugën “Sitki Çiço” pranë shkollës Niket Dardani.
Vetë pronari i mjetit ka bërë denoncimin përmes një telefonate në polici.
Në makinën tip “Benz” me targa AA 877 GZ me ngjyrë të zezë është vendosur tritol. Pronari i mjetit ka udhëtuar gjithë ditën me makinë dhe pasi është kthyer për në banesën e tij ai ka vënë re një pako të dyshimtë mbrapa makinës, saktësisht në derën e pasme të saj.
Nga policia ende nuk janë zbardhur motivet e vënies së bombës në makinën e shtetasit Rrapi.
Makina ishte e parkuar para shkollës “Niket Dardani” në Tiranë, ndërsa denoncimi është bërë nga vetë pronari, Ariel Rrapi.
Mësohet se pronari i automjetit ka vënë re gjatë rrugës se dy qeska të mbushura me lëndë të dyshuar si eksploziv të lidhura me tel, poshtë sediljes. Pas këtij momenti ai ka frenuar menjëherë makinën e tij duke telefonuar punonjësit e policisë. Më herët ai kishte vënë re se i ishte thyer xhami i makinës, por kishte pandehur se kjo kishte të bënte me ndonjë tentativë vjedhje.
