Leku zhvlerësohet ndaj valutave kryesore

Në tregun e këmbimit valutor këtë fundjavë, monedha vendase Lek është zhvlerësuar kundrejt të gjitha valutave.

Sipas të dhënave zyrtare të publikuara nga Banka e Shqipërisë, dollari ka vijuar rritjen e tij, duke shënuar vlerën e 122.87 lekë, ose me 0.67 lekë më shumë se një ditë më parë. Ndërsa euro ka shënuar një rritje prej 0.10 lekë, duke u këmbyer me 138.34 lekë. Këtë fundjavë në këmbim me lekun ka forcuar pozitat edhe poundi britanik, franga zviceriane, dollari kanadez, korona norvegjeze etj.

Ekspertët shprehen se ecuria në tregun vendas reflekton lëvizjet e këmbimit valutor në bursat ndërkombëtare. Ndësa sipas tyre, kërkesë oferta për valutë patjetër që dominon pozitat e euros dhe dollarit kundrejt lekut.

LEXO EDHE  Euro në pikiatë, ja shkaku

Forcimi i monedhës amerikane është një fenomen që po ndodh edhe në tregjet ndërkombëtare valutore, ku monedha Euro vlerësohet se e ka filluar vitin 2015 në pikën e saj më të ulët krahas dollarit amerikan, në dy vitet e fundit. Sipas tyre, monedha e cila përdoret nga 19 shtete evropiane, ruan pozita të forta në tregun vendas si pasojë e kërkesë-ofertës, ndonëse në tregjet ndërkombëtare pozitat e saj ndaj dollarit janë dobësuar.

lek



PËRGJIGJU

Please enter your comment!
Please enter your name here