Ndërsa deri dje ylli mediatik ishte kryeministri Edi Rama, i cili nuk linte asnjë hapësirë sado të vogël pa u shfaqur në ekran, tashmë mesa duket interesi i medias ka rënë ndaj tij, pasi kritiku i tij më i madh Ben Blushi i ka zënë vendin.
Ditën e djeshme pas mbylljes së Kongresit të PS-së, gazetarët vrapuan menjëherë drejt Ben Blushit duke kërkuar opinionin e tij në lidhje me vendimet e marra brenda sallës së mbledhjes, edhe pse në të njëjtën kohë me të në hollin e “Pallatit të Kongreseve” ndodhej dhe kryeministri Rama, i cili siç shihet dhe nga fotot këtë herë nuk e ka pasur luksin e të “mbyturit” nga gazetarët.
Por fatmirësisht për të, vendin e medias e kanë zënë truprojat dhe fotografet të cilët barazonin numrin e gazetarëve që ishin të interesuar për Blushin.
