1.”Ju nuk dëshironi të ndaheni me dikë, nuk doni që t’i jepni fund një martesë, veçanërisht në qoftë se e pëlqeni vërtetë si person. Ju vetëm e dini se diçka mbaroi dhe përpiqeni për të ndryshuar çdo gjë tjetër”. Kështu është shprehur Olivia Wilde në një intervistë lidhur me divorcin e saj nga Tao Ruspoli.
2. “Fundi i një martese është një nga ngjarjet më të trishtuara që një njeri mund të përjetojë. Kam dëgjuar se dhimbja [e divorcit] cilësohet e dyta si më e madhja pas një vdekje në familje dhe them se kanë të drejtë”, ka thënë Danica McKellar në faqen e saj në internet pas divorcit nga Mike Verta.
3. “Duke parë pas në kohë mendoj se isha shumë e re dhe vërtet isha shumë e re. Ishte tejet traumatike, e tmerrshme dhe e dhimbshme. Në të njëjtën kohë doli për mirë. Jam e kënaqur që s’jam sot në atë situatë. Jam e kënaqur që divorci nuk ndodhi në moshën 50-vjeçare. Jam e kënaqur që nuk pata fëmijë. Dhe që ai s’është më pjesë e rrugës sime. Shpresojmë, që ndoshta nuk do të ndodhë përsëri”. Janë këto fjalët e Elisabeth Moss në një intervistë, mbi divorcin e saj nga Fred Armisen.
4. “Nuk ka dhimbje apo dështim më të madh se përjetimi i një divorci”. Është shprehur në një dokumentar Jennifer Lopez për divorcin e saj nga Marc Anthony.
5. “Tani ndjej dhe di më shumë se për çfarë kam nevojë në një marrëdhënie, ajo që unë dua në një marrëdhënie. Dhe e di që kam më shumë mjete për të komunikuar, jo vetëm me partnerin tim, por edhe me veten time. Kjo nuk është domosdoshmërisht ndonjë reflektim i faktit që kam qenë e martuar apo çfarë ndodhi me martesën time, por lidhet me faktin se ku isha në jetën time”. Fjalët gjatë një interviste të Scarlett Johansson mbi divorcin e saj nga Ryan Reynolds.
6. “Në divorcin tim, u ngrita dhe i thashë ish-gruas sime, ‘Hej, e katranosëm. S’ka lidhje me ty. Unë nuk e kuptova se çfarë ishte martesa. Tradhëtova. Gabova’. Nuk mundëm ta rregullonim…u largova se nuk doja që marrëdhënia të përkeqësohej. Ti je nëna e fëmijëve të mi dhe nuk dua të të urrej”. Tha në një intervistë Kevin Hart mbi divorcit e tij nga Torrei Hart.
7. “Ishte si një vdekje në familje: Kalon nëpër fazat e zisë, pastaj rebelohesh dhe pastaj papritur rinisni jetën”. Ka thënë në një intervistë Jessica Simpson lidhur me divorcin nga Nick Lachey.
8. “Unë mendoj se divorci është i vështirë për këdo. Ai është një makth, edhe pse mund të pretendoni se jeni mirë. Ka ditë që ndiheni mirë e ditë të tjera që nuk ndiheni mirë”. Ka thënë në television Nicole Kidman mbi divorcin me Tom Cruise.
9. “Njerëzit thonë, ‘oh, Zot, sa shkatërruese është të përjetosh një divorc’. E nuk uron t’i ndodhë familjes tënde. Por të gjithë jemi të shëndetshëm, ne po ecim përpara me jetën tonë”. Është shprehur Heidi Klum në një intervistë lidhur me divorcin nga Seal.
10. “Kushdo që divorcohet përjeton shumë dhimbje, por një ditë ajo merr fund. Ka deklaruar në një intervistë Ryan Reynolds lidhur me divorcin nga Scarlett Johansson.
11. “Ka shumë faza pikëllimi. Është e trishtueshme, diçka që i vjen fundi. Ju kur përpiqeni të shmangni dhimbjen ndjeni më shumë dhimbje. Divorci krijon dhimbje të madhe. Jemi qenie njerëzore duke u përballur me përvoja njerëzore”. Ka deklaruar në një intervistë Jennifer Aniston mbi divorcin nga Brad Pitt.
12. “Divorci në vetvete, kur ke dhe fëmijë, është shkatërrues. Më keq se kaq. Një nga arsyet se pse ne jemi kthyer sërish sëbashku ishte në përpjekje për ta mbajtur familjen të bashkuar. Kur keni fëmijë provoni e provoni përsëri. Ne e bëmë këtë për një kohë të gjatë”. Deklaron Robin Ëright në një intervistë mbi ndarjen nga Sean Penn.
13. “[Divorci] ishte emocionalisht traumatik për mua. Ishte vdekja e një ëndrre. Unë isha si zanat në përrallë, por realiteti nuk ishte i tillë”. Tha Katy Perry në një intervistë për divorcin e saj nga Russell Brand.
14. “Procesi i zbulimit se nuk funksionon marrëdhënia me dikë që doni është tepër e dhimbshem”. Tha në një intervistë Kate Hudson, lidhur me divorcin e saj nga Chris Robinson.
15. “Eshtë një nga dhimbjet e jetës sime, që diçka në të cilën unë besoj fort kam dështuar plotësisht dy herë. Duhen dy njerëz që një martesë të shkojë mirë. Por e di që me kalimin e kohës do kuptoj se çfarë nuk shkoi siç duhet”. Ka thënë Jennifer Garner në një intervistë mbi divorcin e saj nga Ben Affleck (burri i saj i dytë pas Scott Foley).
16. “Është si të humbisni dikë. Dhe papritur trishtimi të godet nga askundi. Është një humbje e shpresës, është një humbje e shpresës”, ka thënë në një intervistë Kaley Cuoco mbi divorcin e saj nga Ryan Sweeting.
Burimi: Elle
(Boldnews)
