Kryetari i grupit parlamentar të PD-së, Edi Paloka, pasi u dënua nga gjykata me një gjobë prej 200 mijë lekësh me akuzën e shpifjes ndaj kryeministrit Edi Rama, ka apeluar vendimin e gjykatës në Gjykatën Kushtetuese. Vendimi nga gjykata për dënimin me gjobë ndaj deputetit Paloka u mor në 5 qershor 2015.
Paloka kërkon që të shfuqizohet si antikushtetues vendimi i Kolegjit Penal të Gjykatës së Lartë si dhe pezullimin e ekzekutimit të vendimit të Kolegjit Penal të Gjykatës së Lartë. Paloka u dënua më 5 qershor së bashku me deputetin Arben Ristani, ndërsa pas shortit kushtetuesja ka vendosur datën 29 mars për shqyrtimin e këtij apeli.
Ndërkohë mësohet se kreu i grupit parlamentar të PD, Paloka, ende nuk e ka paguar gjobën prej 200 mijë lekë dhe kërkon që ajo të pezullohet e të shfuqizohet me anë të kërkesë padisë së tij.
