Një 65-vjeçare shqiptare ka therur me thikë e më pas ka djegur trupin e pajetë të të dashurit të saj italian pasi ai i kishte kërkuar të ndërprisnin marrëdhënien e tyre. Duket se Teuta Mihali nuk ka duruar dot braktisjen, shkak i cili ka bërë që ajo të kryente krimin e “ftohtë” si prerjen e fytit me thikë e më pas ndjekjen e trupit.
Ther Kjo është vdekja tragjike e Corrado Vantini, hidrauliku 59 vjeçar nga Montorio al Vomano, i vrarë 9 marsin e kaluar në Marina Di San Nicola (Ladispoli). Lajmi bëhet i ditur nga mediat italiane, të cilat shkruajnë se 65 vjeçarja shqiptare është arritur të identifikohet dhe është zbardhur dinamika e ngjarjes.
Sipas mediave, ata të dy kishin një marrëdhënie me shumë ulje e ngritje, zënka e debate, e ndoshta italiani i kishte kërkuar që të ndaheshin dhe ajo nuk ka pranuar. Krimi është filmuar nga kamerat e instaluara në një biznes aty pranë ku ndodhi ngjarja e rëndë. Pamjet filmike kanë parë shqiptaren teksa largohej nga makina, ndërsa trupi i viktimës digjej brenda saj.
Gruaja është rezidente në Ladispoli, ndërsa italiani ka jetuar në Ponte Galeria në periferi të Romës. Sipas gazetës italiane, gruaja ishte përgjuar dhe ishin parë tabulatet telefonike. Ajo fillimisht u përpoq për ta mohuar krimin, por më pas e rrëfeu dhe tha se e kishte therur me thikë kuzhine të dashurin e saj, trupi i të cilit u gjet pjesërisht të djegur. Tani ajo akuzohet për vrasje dhe tentim të shkatërrimit të kufomës.
