Ish-Ministri i Financave, Shkëlqim Cani i është përgjigjur secilës pyetje të anëtarëve të Komisionit Hetimor të ngritur për çështjen e serverit të tatimeve.
Në mbledhjen e sotme të komisionit hetimor Ministri Cani i bindur u shpreh se në serverin e tatimeve ka patur vjedhje ndaj duhet të ribëhet një audit tjetër. “Kam bindjen se aty ka vjedhje duhet sërisht audit” është shprehur Cani. Ndërsa nga ana tjetër Ristani është shprehur se auditi veproi pa ligj gjatë kontrrollit në serverin e tatimeve.
Ky komision hetimor drejtohet nga opozita, ndërkohë që ai u ngrit nga parlamenti, pas dërgimit të çështjes në Prokurori nga drejtoresha e tatimeve Briseida Shehaj ndaj ish-vartësit të saj për ndërhyrje në sistemin e të dhënave dhe një nga ish -drejtori i IT-së Renald Rista ndaj eprores së tij.
Komisioni hetimor i ngritur me 110 vota nga parlamenti mund të kryejë hetim administrativ për procedurat e ndjekura nga Drejtoria e Tatimeve në lidhje me pretendimet për ndërhyrjet në server.
(Boldnews)
