Tre janë çështjet thelbësore që i bashkojnë në qëndrime PD dhe LSI. Së pari të dy këto forca kërkojnë që të jetë një gjykatë e lartë dhe jo dy.
Së dyti për formulën e emërimit të gjyqtarëve të gjykatës kushtetuese nga kuvendi, në të cilën kërkohet të gjendet formula që përcakton rolin e opozitës në këto emërime. LSI propozon formulën ku pozita dhe opozita të kenë të drejtë të mbështesin secila nga një numër të barabartë anëtarësh duke zgjidhur në këtë mënyrë kontestin e shumicës së cilësuar.
Së treti PD është kundër përfshirjes në sistemin gjyqësor të individëve jashtë rregullave normale të përfundimit të shkollës së magjistraturës, po ashtu edhe LSI.
Këto forca politike ndryshojnë qëndrim për byronë kombëtare të hetimit. PD kërkon fuqizimin e hetimit penal nga prokuroria dhe ngritjen e strukturave hetimore, vetëm nën varësinë e prokurorisë. Për këtë cështje LSI propozon ngritjen e agjencisë kombëtare të hetimit të shkëputur nga policia e shtetit por dhe jo në varësinë organziative të prokurorisë. Kjo agjenci propozon LSI të drejtohet nga një bord shtetëror me përfaqësus të ministrave të fushës dhe të prokurorisë së përgjithëshme.
