Arrestohet drejtori i INUV Vlorë, i akuzuar edhe në 2005 për korrupsion

pp pppp ppppppp

(Në foto: Pallati 12 katësh pa leje i pezulluar nga Prokuroria)

Prokuroria e Vlorës vë në pranga Kryeinspektorin e Inspektoratit Vendor Urbanistik për lejimin e ndërtimit të një godine 12 katëshe pa leje në lagjen “Pavarësia” si dhe 4 zyrtarë të tjerë të INUV. Nuk është hera e parë që kreu i INUV David Tushaj arrestohet  pasi në vitin 2005 ai është vënë në pranga për korrupsion në detyrën e drejtorit të Hipotekës Vlorë. David Tushaj ka qenë  drejtor i Hipotekës Vlorë nga viti 2003 deri në 2005.

Në atë kohë David Tushaj u akuzua për falsifikim në vijimësi të dokumenteve hipotekore të dhjetëra personave. Nuk është hera e parë që zyrtarë të lartë edhe pse me precedent penal janë pjesë drejtuese e institucioneve më të rëndësishme të vendit.

Përveç kryeinspektorit janë arrestuar dhe 5 zyrtarë të tjerë si paraardhësi i këtij inspektoriati Besnik Karabolli. Firmës “Endriu 008” i është pezulluar ndërtimi si dhe administrator i saj është arrestuar. Sipas hetimit të prokurorisë firma e ndërtimit po ndërtonte një pallat të lartë pa lejen përkatëse që në vitin 2014.

LEXO EDHE  Prona e Gardës së Republikës te Liqeni i kalon Erjon Veliajt/ Për çfarë do të përdoren 1470 m2?

Në bazë të dokumentacionit të mbledhur gjatë hetimit të këtij procedimi penal, rezultoi se Inspektorati Vendor Urbanistik (INUV) i Bashkisë Vlorë ka pasur dijeni për ndërtimin e këtij pallati dhe nuk ka kryer asnjë urdhërim për ndalimin e tij. Të ndaluarit nga prokuroria Vlorë janë Edmond Aliaj, administrator i subjektit “Endriu 008”shpk, David Tushaj, Kryeinspektor i INUV, Bashkia Vlorë, Besnik Karabolli, kryeinspektor i INUV (Qershor 2012- Nëntor 2014), Iriald Dervishaj, inspektor i INUV, Marjol Mustafaraj, inspektor i INUV, Endri Zeneli, inspektor i INUV.

 

 



PËRGJIGJU

Please enter your comment!
Please enter your name here