Kryetari i Kuvendit Meta pas takimit me anëtarin e Komisionit të Mbrojtjes në Bundestag dhe njëkohësisht zëdhënës i grupit parlamentar të CSU-së për politikën e jashtme, z. Florian Hahn doli para mediave ku foli për reformën në drejtësi si një nga çështjet kryesore të takimit. Meta tha se tashmë 90 % e paketës së komisionit të Venecias është dakortëzuar. Mbeten vetëm disa çështje që reformat të përmbyllet e të shkojë në parlament. “Kemi të bëjmë me 10 çështje që PD-ja synon t`i zgjidh sipas këndvështrimit që ka, me këtë dua të them se me më shumë durim dhe vullnet kjo reformë është tërësisht e mundur që të përmbyllet pasi për çdo çështje ne kemi rekomandimme të Venecias”.
Për sa i përket një takimi mes tij, Ramës dhe Bashën, Meta shprehu dëshirën e përmbylljes së kësaj reforme duke mos përjashtuar edhe një takim të tillë. “Qëndrimi i LSI është që kjo reformë duhet të përmbyllet sa më shpejtë me rekomandimet përkatëse. Duhet vullnet për të lexuar në mënyrë racinale rekomandimet e komisionit të Venecias. Nuk përjashtojmë asnjë mundësi takimi në mënyrë që të forcojmë klimën e mirëbesimit”, tha Meta.
Përsa i përket deklaratave të kreut të Komisionit të Sigurisë Spartak Braho për byronë e hetimit, Meta tha nuk ka rëndsia varësia e kësaj byroje por funksionimi i saj.
