Arben Ristani, sekretar i Përgjithshëm i PD-se dhe deputet i Kuvendit te Shqipërisë ka kërcënuar sot me vdekje gazetarin dhe botuesin e gazetës “Minerva” Nebil Çika. Ky i fundit i kontaktuar nga Boldnews.al rrëfeu momentet e konfliktit meRistanin të ndodhur sot rreth orës 11.00 në oborrin e selisë qendrore te PD-së në Tiranë, në kafen brenda tij.
Sipas gazetarit, sekretari i Përgjithshëm i Arben Ristani i është afruar tek tavolina ku ai po pinte kafe me një mik dhe e ka kërcënuar. “Do të var në litar dhe do të të djeg kufomën” – ka qënë kërcënimi i deputetit demokrat i bërë ndaj gazetarit Nebil Çika.
Të pranishem kanë qenë edhe te paktën dy drejtues te larte te PD-se, kreu i këshilltarëve ne Bashkinë e Tiranes Leonard Olli dhe sekretari për Aksionin Qytetar, Ervin Salianji, te cilët nuk kane reaguar ne moment ndaj këtij skandali .
Ristani i ka kërkuar gazetarit Çika: “te mos shkruante me për te pasi për ketë arsye do t’i merrte jetën ne mënyrën me te keqe te mundshme “. Redaksia e “Minerva” i ka bërë thirrje kreut te PD-se Lulzim Basha, liderit historik Sali Berisha, kryesisë se PD, Këshillit Kombëtar, grupit parlamentar dhe strukturave te tjera te distancohen nga akti kriminal i Arben Ristanit dhe te marrin masa për te dhe sjelljen e tij kriminale.
Stafi i Minerva i ka bërë thirrje organizatave te gazetareve dhe te mbrojtjes se te drejtave te njeriut te reagojnë ndaj këtij akti te dhunshëm kundër lirisë së shtypit nga përfaqësuesit e larte te politikes.
Ndërkohë i kontaktuar nga Boldnews.al, deputeti Ristani mohoi të ketë patur ndonjë incident me gazetarin Nebil Çika.
Veprimi tronditës i Ristanit kishte te bënte me detyrën si gazetar te Nebil Cikës, me konkretisht me editorialin e sotëm te Minerva “ Pse nuk shkon dot ne Vlorë Arben Ristani ?”.
Më poshtë do të gjeni linkun e artikullit që krijoi këtë incident :
http://www.gazetaminerva.com/pse-nuk-shkon-dot-ne-vlore-arben-risatni/
(Boldnews.al)
