Banorët e zonës pranë Stacionit të Trenit kanë dalë sërish sot në protestë kundër shpronësimeve për Bulevardin e ri. Ata janë mbledhur para Bashkisë ku kanë kërkuar takim me kryebashkiakun Erion Veliaj për plotësimin e kërkesave të tyre. Banorët kanë akuzuar Veliajn se po punon me 2 standarde dhe po iu vjedh tokën, pasi shpronësimet janë me vlerë qesharake, poshtë çmimit të tregut.
“Veliaj nuk ka ardhur të ulet me ne për të zgjidhur problemin. Po punon me dy standarde. Pa na merr jetën, e kemi votuar dhe po na merr tokën dhe shtëpitë. Ne jemi qytetarë autoktonë të Tiranës. Dy ditë më parë sollën letrat për të prishur 10 shtëpi të tjerë, por vetëm po vdiqëm ne do i prishin”, deklaruan banorët.
Kjo është disata herë që banorët protestojnë kundër prishjes së shtëpive të tyre, pasi bashkia ka vënë një vlerë qesharake për shpronësimin e tyre për ndërtimin e Bulvardit të Ri.
(Boldnews)
