Kryetari i Partisë demokratike Lulzim Basha njoftoi bllokimin e seancës parlamentare të së enjtes duke i paraqitur një sërë kërkesash mazhorancës dhe në veçanti kryeministrit Edi Rama.
Ultimatumi i opozitës është votimi nesër i akteve nënligjore të reformës për dekriminalizimit, ndërsa në mesin e kërkesave janë edhe heqja e mandateve për 3 deputetë socialistë si dhe kalimin e Byrosë Kombëtare të Hetimit në varësi të Prokurorisë së Përgjithshme.
“Është një strategji e Edi Ramës për të goditur thelbin e marrëveshjes politike të dhjetorit 2014, që i dha fund bojkotit të opozitës. Pas një diskutimi të gjatë në grupin parlamentar demokratike, vendimi është bllokimi i seancës parlamentare nëse mazhoranca nuk reflekton pasi nesër është edhe afati i fundit për të kaluar aktin e zbatimit të ligjit të dekriminalizimit.” – u shpreh kryedemokrati Basha.
Nuk dihet nëse në seancën parlamentare të 4 marsit do të përdoren sërish vezë apo letra në parlament në drejtim të ministrave apo edhe kryeministrit.
