1200 palmat përgjatë bulevardit kryesor në Vlorë janë prerë duke krijuar një shfaqje jo të këndëshme për banorët e qytetit bregdetar. Shkak për prerjen e tyre është bërë infektimi nga buburreci i kuq, një larvë vdekjeprurëse për pemën decorative.
Larva ka aftësi të shumohet me shpejtësi duke shkatërruar plotësisht indin ushqyes të palmës. Duke parë këtë situatë, Bashkia e Vlorës e pa të arsyeshme prerjen e palmave, pavarësisht se në pamje të parë ato nuk dukeshin të kalbura.
Aktualisht është bërë zgjedhja e zëvendësimit të Palmës me Rrapin, për shkak të kostos së lartë.
“Ka filluar rehabilitimi i zonave të gjelbërta ku përfshihet edhe zëvendësimi të cilat janë të degraduara prej sëmundjes. Për fatin e keq jemi të detyruar t’i heqim dhe ti zëvendësojmë me pemë të tjera.”– shprehet kryebashkiaku i Vlorës, Dritan Leli.
Ndërkohë sipas Lelit, palmat që do të vendosen përgjatë Lungomares nuk do të priten pasi janë një lloj tjetër që nuk preken nga sëmundjet.
